Nyrsio Deintyddol Uwch - Lefel 4

Bydd y rhaglen, sy'n cael ei dilysu ar hyn o bryd, yn cael ei chyflwyno dros ddwy flynedd academaidd ar sail ran-amser gan arwain at ddyfarnu Tystysgrif Addysg Uwch mewn Nyrsio Deintyddol Uwch.

Nod y rhaglen yw darparu addysg Nyrsys Deintyddol sy'n mynd i'r afael â'r holl feincnodau proffesiynol perthnasol, gan gynhyrchu nyrsys deintyddol a all ymarfer yn ddiogel, gyda'r wybodaeth a'r sgiliau y mae arnynt eu hangen i ymestyn eu cwmpas ymarfer yn fedrus ac yn ddiogel. .

Ffeithiau am y Cwrs

• Enw: Nyrsio Deintyddo

• Cymhwyster: Tystysgrif Addysg Uwch
• Hyd: 2 flynedd yn rhan-amser

Cysylltu â Ni

Os oes gennych unrhyw gwestiynau ychwanegol am agweddau academaidd y cwrs, anfonwch e-bost at: info@awfdcp.ac.uk

Strwythur y Cwrs

Cymhwyster ymadael y rhaglen yw Tystysgrif Addysg Uwch. Mae'r rhaglen yn paratoi nyrsys deintyddol ar gyfer cofrestru gyda'r Cyngor Deintyddol Cyffredinol a bydd yn bodloni holl ofynion “Preparing for Practice: Dental nursing learning outcomes for registration”, sef y Safonau Galwedigaethol Cenedlaethol y nodir eu bod yn ofynnol yn "Pennu Safonau Prentisiaethau i Gymru", Llywodraeth Cymru. Bydd y pum modiwl ym Mlwyddyn 1 yn sail i ymarfer nyrsio deintyddol diogel ac effeithiol, ac yn canolbwyntio'n bennaf ar sgiliau astudio, iechyd a diogelwch, gweithdrefnau clinigol a bydd y pwyslais yn newid tuag at weithio mewn amgylchedd proffesiynol a rheoli gofal. Hwylusir hyn gan gwricwlwm sbiral.

Bydd Blwyddyn 2 y rhaglen yn adeiladu ar y sylfaen hon, ac yn annog y myfyrwyr i ddatblygu eu gwybodaeth a'u gallu i weithio o fewn terfynau Cwmpas Ymarfer y Cyngor Deintyddol Cyffredinol. Bydd modiwlau dewisol yn cael eu defnyddio i sicrhau bod y rhaglen yn bodloni anghenion y grŵp amrywiol hwn o fyfyrwyr, eu gweithleoedd ac anghenion y boblogaeth leol o ran iechyd y geg, ac yn galluogi'r myfyrwyr i ddewis modiwlau sy'n adlewyrchu eu dyheadau a gofynion eu cyflogwyr.

Course Modules

• Paratoi i hyfforddi
• Gwyddor Biofeddygol
• Deintyddiaeth Lawdriniaethol
• Asesu a Rheoli Cleifion 1
• Moeseg y gyfraith a phroffesiynoldeb 1
• Deintyddiaeth lawdriniaethol 2
• Asesu a Rheoli Cleifion 2
• Moeseg y gyfraith a phroffesiynoldeb 2
• Ymarfer Estynedig
• Datblygu'r Hunan ac Eraill

Addysgu, Dysgu ac Asesu

Mae pob modiwl yn defnyddio cymysgedd o ddulliau addysgu, gan roi sylw i'r pwnc, i faint y grŵp myfyrwyr, i brofiad blaenorol y myfyrwyr ac i'r adnoddau sydd ar gael. Bydd y myfyrwyr yn cael eu cyflwyno i amrywiaeth o ddulliau asesu a gynlluniwyd i sicrhau bod cynnwys, deilliannau a lefel y modiwlau yn cael eu mesur mewn modd teg a thryloyw. Mae'r dulliau asesu'n cynnwys portffolio, arholiadau atebion byr, astudiaethau achos, projectau ac adolygiadau.

Bydd y rhaglen yn galluogi'r myfyrwyr sy'n cwblhau holl ofynion y rhaglen yn llwyddiannus i gael tystysgrif addysg uwch a chofrestru gyda'r Cyngor Deintyddol Cyffredinol ac ymarfer fel Nyrs Ddeintyddol.

Drwy gydol y rhaglen hon, bydd y myfyrwyr yn cael eu cyflogi mewn lleoliad deintyddol ac o'r herwydd, ar ôl graddio, mae'n debygol iawn y bydd eu cyflogwyr yn awyddus i ddefnyddio'u sgiliau er budd y cleifion a'r lleoliad deintyddol.

At hynny, rhagwelir y bydd y diwygio sy'n digwydd ar hyn o bryd ym maes deintyddiaeth yn creu bylchau gwybodaeth a sgiliau ymhlith y gweithlu deintyddol i'r dyfodol. Bydd y myfyrwyr sy'n cwblhau'r rhaglen hon ymhlith lleiafrif bychan iawn o nyrsys deintyddol a fydd wedi cael eu haddysgu a'u harfogi ag ystod eang o sgiliau clinigol uwch y mae cyflogwyr yn chwilio amdanynt. Bydd y sgiliau hynny yn fanteisiol iddynt yn eu gyrfa ac yn chwarae rhan hanfodol wrth fodloni'r galwadau cynyddol sydd ar wasanaethau deintyddol.

Ar ôl cwblhau'r rhaglen, mae'r myfyrwyr yn debygol o gael eu cyflogi fel nyrsys deintyddol, ond efallai y bydd arnynt eisiau defnyddio'r cymhwyster hwn i barhau â'u haddysg i ddilyn gyrfa fel;

• Hylenydd deintyddol

• Therapydd deintyddol

• Therapydd orthodontig

• Technolegydd deintyddol clinigol

• Technegydd labordy

• Deintydd

Mae llwybrau gyrfa a dilyniant sy'n rhoi cyfle i fyfyrwyr ddilyn astudiaethau addysg uwch pellach.

Mae gan Brifysgol Bangor gysylltiadau cryf â'r awdurdodau gofal iechyd lleol yng Ngogledd Cymru a bydd y rhain yn cynyddu wrth i'r rhaglen hon ddatblygu.

Cysylltiadau â Diwydiant

Mae gan Brifysgol Bangor gysylltiadau cryf â'r awdurdodau gofal iechyd lleol yng Ngogledd Cymru a bydd y rhain yn cynyddu wrth i'r rhaglen hon ddatblygu.

Cyngor am yrfaoedd

Ceir cyngor am yrfaoedd gan weithwyr gofal iechyd proffesiynol wrth ymarfer ac mewn sesiynau gyrfaoedd penodol ac mae gan wasanaeth Gyrfaoedd y GIG ragor o fanylion am y cyfleoedd gyrfa sydd ar gael i raddedigion. Byddwch hefyd yn gymwys i gofrestru am Wobr Cyflogadwyedd Bangor i wella eich rhagolygon gyrfa ac mae cyngor ar gael hefyd gan Wasanaeth Gyrfaoedd a Chyflogadwyedd Prifysgol Bangor.

Cyfleoedd ym Mangor

Mae Gwasanaeth Gyrfaoedd a Chyflogadwyedd y brifysgol yn darparu amrywiaeth eang o adnoddau i'ch helpu i gyflawni eich dyheadau ar ôl i chi raddio. Mae datblygu eich sgiliau personol a gwella eich cyflogadwyedd tra ydych yn y brifysgol yn dod yn gynyddol bwysig yn y farchnad swyddi sydd ohoni.

Gwobr Cyflogadwyedd Bangor a'r Adroddiad Cyrhaeddiad Addysg Uwch

Mae Gwobr Cyflogadwyedd Bangor yn galluogi myfyrwyr i adeiladu ar eu sgiliau trosglwyddadwy trwy ennill cydnabyddiaeth am y gweithgareddau maent wedi cymryd rhan ynddynt yn ystod eu cyfnod yn y brifysgol. Gall myfyrwyr ennill pwyntiau tuag at y wobr hon drwy weithgareddau allgyrsiol megis gwirfoddoli, mynd i weithdai neu gymryd rhan yng nghlybiau a chymdeithasau Undeb y Myfyrwyr.

Adroddiad a gaiff pob myfyriwr israddedig ar ôl graddio yw'r Adroddiad Cyrhaeddiad Addysg Uwch. Mae'r adroddiad yn rhestru pob llwyddiant academaidd ac unrhyw lwyddiannau cyd-gwricwlaidd ac ychwanegol. Bydd llwyddiannau academaidd yn ymddangos yn yr adroddiad yn awtomatig a gall myfyrwyr gofnodi unrhyw weithgareddau cymwys a wnânt trwy ddefnyddio'r llwyfan ar-lein 'Fy Hwb Cyflogadwyedd'. Mae hyn yn sicrhau bod cyflogwyr yn y dyfodol yn ymwybodol o'r sgiliau ychwanegol y mae'r myfyriwr wedi'u hennill y tu hwnt i'r cwricwlwm.

TARGETconnect - Gweithio wrth Astudio

Mae'r Gwasanaeth Gyrfaoedd a Chyflogadwyedd yn cynnig cymorth i fyfyrwyr sy'n chwilio am waith yn ystod eu hastudiaethau ac wedyn.

Gofynion Mynediad Academaidd a Phroffesiynol

• Cyflogaeth mewn lleoliad deintyddol yn ystod y cwrs sy'n golygu bod modd cyflawni'r elfen dysgu seiliedig ar waith.
• Bod y cyflogwr yn cytuno i gefnogi'r ymgeisydd yn ystod y rhaglen a sicrhau, ar y cyd â'r darparwr addysg, y byddant yn mentora'r myfyriwr yn effeithiol tra bydd yn ymgymryd â dysgu seiliedig ar waith.
• 5 TGAU gyda gradd C neu uwch gan gynnwys Saesneg, neu;
• NVQ Lefel 3, neu;
• 2x Safon UG, neu;
• 1x Safon Uwch, neu;
• AVEC neu BTEC
• Bydd ymgeiswyr nad oes ganddynt yr uchod yn cael eu hystyried ar sail unigol, ond rhaid iddynt ddangos tystiolaeth o'r gallu i astudio'n llwyddiannus ar lefel 4
• Yn ogystal, rhaid i bob ymgeisydd ddangos gallu boddhaol mewn llythrennedd a rhifedd

Rhagor o Wybodaeth

Bydd angen gwiriadau gan y Gwasanaeth Datgelu a Gwahardd yn unol â pholisïau, gweithdrefnau a rheoliadau'r Ysgol Gwyddorau Iechyd, Prifysgol Bangor, Arolygiaeth Gofal Iechyd Cymru a'r Cyngor Deintyddol Cyffredinol.

Fframwaith Prentisiaethau Cymru

Mae'r rhaglen hon ar gael fel rhan o fframwaith prentisiaethau Cymru (Yr Adran Sgiliau, Addysg Uwch a Dysgu Gydol Oes), felly mae'n rhad ac am ddim.

Nid fel Prentisiaeth

Mae'r rhaglen ar gael i bobl o'r tu allan i Gymru, fodd bynnag codir tâl am y cwrs yn yr achos hwnnw. Cysylltwch â'ch darparwr addysg lleol i holi am gostau'r cwrs.

Anogir ceisiadau cynnar i gael mynediad i'r rhaglen. Dylai unigolion wneud cais i ddarparwyr addysgol y rhaglen. Colegau addysg bellach yw'r darparwyr hyn a nhw fydd yn cyflwyno'r rhaglen sydd wedi ei chymeradwyo gan y Gyfadran.

Rydym ar hyn o bryd yn trafod â'r darparwyr addysgol sut y bydd y rhaglen yn cael ei chyflwyno. Edrychwch ar y wefan eto'n fuan i weld rhestr o ddarparwyr cymeradwy.

Os ydych chi'n ddarparwr addysgol sydd â diddordeb, cysylltwch â'r gyfadran info@awfdcp.ac.uk i gael rhagor o wybodaeth

Angen help i wneud cais?

Os oes gennych unrhyw gwestiynau am ofynion mynediad, sut i wneud cais neu am y cwrs y mae gennych ddiddordeb ynddo, mae croeso i chi gysylltu â'r Gyfadran: info@awfdcp.ac.uk Edrychwn ymlaen at glywed gennych.

Cysylltu â ni

I gael gwybodaeth fwy penodol, cysylltwch â'r Gyfadran drwy anfon e-bost at info@awfdcp.ac.uk

Pam ddylech chi astudio yn y Gyfadran sy'n rhan o Ysgol Gwyddorau Iechyd Prifysgol Bangor.

• 1af yn y Deyrnas Unedig am radiograffeg a nyrsio yn 'Graduate Prospects' (THE TIMES Good University Guide 2018
  
• 1af yn y Deyrnas Unedig am Radiograffeg ac yn y 10 Uchaf am Nyrsio (THE TIMES Good University Guide 2018).
• 1af yn y Deyrnas Unedig am Ragolygon Graddedigion Nyrsio a Radiograffeg (The Complete University Guide 2018).
• Cafodd Prifysgol Bangor safon Aur am “addysgu rhagorol” (Fframwaith Rhagoriaeth Addysgu 2017).
• Mae ein cyrsiau gradd Cyn-gofrestru mewn Bydwreigiaeth a Nyrsio yn arwain at gymhwyster academaidd a chofrestriad gyda'r Cyngor Nyrsio a Bydwreigiaeth.
• Mae ein cwrs gradd Radiograffeg yn arwain at gymhwyster academaidd a chofrestriad gyda'r Cyngor Proffesiynau Iechyd a Gofal.
• Mae ein cwrs Bydwreigiaeth wedi ei achredu gan fenter Baby Friendly UNICEF UK.
• Mae gennym gysylltiadau cadarnhaol â Bwrdd Iechyd Prifysgol Betsi Cadwaladr, sef y bwrdd iechyd lleol, a darparwyr gofal eraill yng Ngogledd Cymru, ac yng Ngogledd Orllewin Lloegr.
• Mae Iechyd a Lles yn cynnig lleoliad gwaith yn eich ail flwyddyn i helpu i wella eich sgiliau yn y gweithle a chryfhau eich CV. Yn dibynnu ar eich diddordebau, gall hyn olygu eich bod yn gweithio gydag ysgol neu grŵp cymunedol neu hyd yn oed fel rhan o Iechyd Cyhoeddus Cymru.
• Mae Radiograffeg, Bydwreigiaeth a Nyrsio yn parhau i gael eu cyllido gan fwrsariaethau'r GIG, sydd yn talu am yr holl ffioedd dysgu ac yn rhoi cymorth grant tuag at gostau byw ac mae ar gael i fyfyrwyr o bob rhan o'r Deyrnas Unedig a'r Undeb Ewropeaidd.
• Bydd cyfleoedd i gael profiad o ymarfer dwyieithog mewn rhai rhannau o'ch lleoliad.
• Mae gennym ymchwilwyr a darlithwyr profiadol mewn Iechyd/Gofal Cymdeithasol a Llesiant.
• Rydym yn cynnig cynadleddau, seminarau a gweithdai ar faterion allweddol mewn iechyd a gofal cymdeithasol.
• Mae gennym Gynllun Achredu Dysgu Blaenorol, er mwyn gallu achredu profiadau academaidd blaenorol.
• Mae gennym un o'r cynlluniau Arweinwyr Cyfoed mwyaf.
• Mae gennym lefydd wedi eu comisiynu ar rai modiwlau a chyrsiau yn benodol i aelodau staff Bwrdd Iechyd Prifysgol Betsi Cadwaladr a chynllun Ehangu Mynediad i Hyfforddiant Arbenigol.

Safon Aur am Addysgu

Safon Aur am Addysgu

Cawsom safon Aur, sef y safon uchaf posibl, am ein haddysgu fel rhan o asesiad y Fframwaith Rhagoriaeth Addysgu. Roedd asesiad y Fframwaith yn edrych ar ansawdd yr addysgu, yr amgylchedd dysgu a chanlyniadau myfyrwyr a'r hyn y maent yn elwa arno drwy ddysgu. Dywedwyd ein bod yn darparu addysgu, dysgu a chanlyniadau rhagorol i'n myfyrwyr yn gyson a dywedwyd bod ein haddysgu o'r safon uchaf yn y Deyrnas Unedig.

Ymysg y 10 prifysgol orau

Yn ôl canlyniadau’r Arolwg Cenedlaethol Myfyrwyr mae Prifysgol Bangor ymhlith y 10 prifysgol orau yn y Deyrnas Unedig am foddhad myfyrwyr (ac eithrio sefydliadau arbenigol). Mae hyn yn adlewyrchu pwyslais y brifysgol ar brofiad myfyrwyr drwodd a thro.